New Ocean Supermarket
Flash News
   வாகன நிறுத்தும் இடத்தில் வெடிவிபத்து… 2 பேர் வைத்தியசாலையில் அனுமதி   பிரெக்ஸிற் பிரச்னைக்கு முடிவு… தாமதம் தீர்வாகாது… பிரதமர் தெரேசா மே தகவல்

விஜய் சேதுபதி நடிக்கும் காத்துவாக்குல ரெண்டு காதல்; மே மாதம் படப்பிடிப்பு தொடக்கம்

February 14, 2020 3 0 0

மே மாதம் தொடங்கும் என்று தெரிய வந்துள்ளது… விக்னேஷ் சிவன் இயக்கத்தில் விஜய் சேதுபதி நடிக்க உள்ள காத்துவாக்குல ரெண்டு காதல் படம் குறித்த அதிகாரப்பூர்வ அறிவிப்பை படக்குழு வெளியிட்டுள்ளது.

விக்னேஷ் சிவன் இயக்கத்தில் கடந்த 2015-ம் ஆண்டு வெளியான நானும் ரவுடி தான் திரைப்படம் நல்ல வரவேற்பை பெற்றது. இப்படத்தில் விஜய் சேதுபதி நாயகனாகவும் அவருக்கு ஜோடியாக நயன்தாராவும் நடித்திருந்தார். இதனை தொடர்ந்து ‘காத்துவாக்குல ரெண்டு காதல்’ எனும் படம் மூலம் விஜய் சேதுபதி-விக்னேஷ் சிவன் கூட்டணி சேர்ந்தனர்.

2016-ம் ஆண்டே இந்த படம் குறித்த தகவல் வெளியான நிலையில், பின்னர் கிடப்பில் போடப்பட்டது. தற்போது இந்த படத்தின் வேலையில் விக்னேஷ் சிவன் மும்முரமாக ஈடுபட்டுள்ளார். இந்நிலையில், இந்த படம் குறித்த அதிகாரப்பூர்வ அறிவிப்பை படக்குழு வெளியிட்டுள்ளது.

அதன்படி செவன் ஸ்கிரீன் நிறுவனமும், விக்னேஷ் சிவனின் சொந்த தயாரிப்பு நிறுவனமான ரெளடி பிக்சர்ஸ் நிறுவனமும் இணைந்து தயாரிக்க உள்ள இப்படத்தில் விஜய் சேதுபதிக்கு ஜோடியாக சமந்தா, நயன்தாரா ஆகியோர் நடிக்க உள்ளதாக தெரிவிக்கப்பட்டுள்ளது.

மேலும் அனிருத் இப்படத்திற்கு இசையமைக்க உள்ளார். படப்பிடிப்பு வருகிற மே மாதம் தொடங்க உள்ளதாக கூறப்படுகிறது.

Tags: படப்பிடிப்பு, மே மாதம், விக்னேஷ்சிவன் Categories: Cinema
share TWEET PIN IT SHARE share share
Related Posts
Leave a reply

Leave a Reply

Your email address will not be published. Required fields are marked *